უკვე არაერთმა ცნობილმა გამოცემამ დაადასტურა, რომ "ლივერპულმა" "ბრაიტონიდან" 2022 წლის მსოფლიოს ჩემპიონი ალექსის მაკ ალისტერი შეიძინა.

მის სატრანსფერო ღირებულებასთან დაკავშირებით ცნობილმა ჟურნალისტმა, ფაბრიციო რომანომ ახალი ინფორმაცია გაავრცელა.

მისი თქმით, "წითლებს" არგენტინელის გადმობირება 35 მილიონი ევრო დაუჯდათ.

ჟურნალისტი აქვე დასძენს, რომ 24 წლის ნახევარმცველი მერსესაიდელეთან კონტრაქტს 2028 წლამდე გააფორმებს.

აქვე გეტყვით, რომ მაკ ალისტერი "ლივერპულში" უდიდესი ალბათობით 10-ნომრიან მაისურს მოირგებს.