ცნობილმა და სანდო ჟურნალისტმა ფაბრიციო რომანომ მადრიდის "რეალზე" ახალი სატრანსფერო ინფორმაცია გაავრცელა. 

მისი თქმით, "ბლანკოსი" "ლივერპულის" ფეხბურთელის რობერტო ფირმინოს დამატებით დაინტერესდა. 

როგორც ჟურნალისტი ამბობს, მადრიდელები ფორვარდს აქტიურად ეძებენ და ერთ-ერთ ვარიანტად ბრაზილიელს განიხილავენ. 

აქვე უნდა ვთქვათ ისიც, რომ ზაფხულში 31 წლის თავდამსხმელს "წითლებთან" კონტრაქტი უსრულდება და შესაბამისად "თეთრები" მის უფასოდ გადაბირებას შეძლებენ. 

რაც შეეხება ფირმინოს მონაგარს, მიმდინარე სეზონში მან 33 მატჩში 13 გოლი და 5 ასისტი მიითვალა.