როგორც მოგეხსენებათ, ალექსის მაკ ალისტერის "ლივერპულში" ტრანსფერი სულ უფრო და უფრო რეალირი ხდება.

გავრცელებული ცნობებით, მერსესაიდელები არგენტინელს ზაფხულის სატრანსფერო ფანჯარაზე შეიძენენ.

ბუნებრივია, ჩნდება კითხვა, თუ რა ნომრიან მაისურს მოირგებს 24 წლის ნახევარმცველი "წითლების" რიგებში.

"Liverpool Echo"-ს ინფორმაციით, "ლივერპული" მზადაა, რომ მაკ ალისტერმა გუნდში 10-ნომრიანი მაისურით იასპარეზოს.

აღსანიშნავია, რომ სადიო მანეს მიუნხენის "ბაიერნში" გადასვლის შემდეგ ეს ნომერი კლუბში ვაკანტური გახდა.

ასე რომ, რეალური შანსია იმისა, რომ მომდევნო სეზონში მერსესაიდელთა ახალი ათიანი მსოფლიოს ჩემპიონი იყოს.