ლონდონის "არსენალსა" და "ლივერპულის" დრამატული მატჩის მიმდინარეობისას, შეხვედრის ერთ-ერთმა არბიტრმა, კონსტანტინ ჰაზიდაკისმა ენდი რობერტსონს სახის არეში იდაყვი ჩაარტყა.

ამ საკითხზე გამოძიება შეხვედრის დასრულების შემდეგ უმალვე დაიწყო და საქმეში ინგლისის მსაჯთა კომიტეტის წევრებიც ჩაერთვნენ.

როგორც ჟურნალისტი ჯეიმს პირსი იტყობინება, ლაინსმენმა, აღნიშნული ქმედების გამო, შოტლანდიელ ფეხბურთელს ბოდიში პირადად მოუხადა.

რაც შეეხება რობერტსონს, ის მზადაა, არბიტრს ეს ქმედება აპატიოს და ამ საკითხზე არანაირი საჩივარი არ შეიტანოს.