"ლივერპულმა" პრემიერ ლიგის მიმდინარე სეზონში მორიგი უღიმღამო პერფორმანსი შემოგვთავაზა და "მანჩესტერ სიტისთან" გამანადგურებელი ანგარიშით, 4-1 დამარცხდა.

იურგენ კლოპი მატჩის შემდგომ ნამდვილად არ იყო კმაყოფილი, რაც მის კომენტარშიც ჩანს. ერთ-ერთ ეპიზოდში, როდრიმ კოდი გაკპოს წინააღმდეგ უხეშად ითამაშა და ფანები ესპანელი ფეხბურთელის გაძევებას ითხოვდნენ, მაგრამ გერმანელი სპეციალისტი ამ მომენტს დიდ ყურადღებას არ აქცევს:

"სიმართლე გითხრათ, ეს ეპიზოდი ვერ დავინახე. ალბათ, კონტაქტი ნამდვილად იყო, მაგრამ ნებისმიერ შემთხვევაში, არ ვარ დარწმუნებული, რომ 10-კაციან "სიტის" მაინც დავამარცხებდით.

მე აქ ვდგავარ და მევალება, ავხსნა, თუ რა მოხდა დღეს, მაგრამ ეს არ შემიძლია - ვერ ვხსნი. ამ თამაშზე კარგის თქმა შეუძლებელია."