სეზონის დასრულების შემდეგ რობერტო ფირმინო "ლივერპულს" დატოვებს. მას კონტრაქტი ეწურება და მის გახანგრძლივებაზე უარს ამბობს.

ბრაზილიელი ფორვარდი იურგენ კლოპის ერთ-ერთი ფავორიტი მოთამაშეა და მისი შენარჩუნება ძალიან სურდა, თუმცა არ გამოვიდა. "იუნაიტედის" განადგურების შემდეგ, კლოპი ამ საკითხსაც შეეხო:

"ფირმინოსთვის ეს მარტივი გადაწყვეტილება არ იყო. ის ტოპ ფეხბურთელია და დღევანდელი შეხვედრის ყველაზე ემოციური მომენტიც მისი გოლი იყო.

ზოგადად, ეს ნორმალური ამბავია - კონტრაქტი მთავრდება და ფეხბურთელი თავად წყვეტს თავის მომავალს.

ვფიქრობ, მისი გოლი ენფილდზე შეკრებილ პუბლიკას ყველაზე მეტად უნდოდა და მიიღო კიდეც."