"მანჩესტერ იუნაიტედი", "ლივერპული" და "არსენალი" ანსუ ფატის გარემოცვას შესაძლო ტრანსფერის საკითხზე დაუკავშირდნენ, - იუწყება ბენ იაკობსი.

Caught Offside-ისთვის ჟურნალისტი წერს, რომ "ბლაუგრანა" 20 წლის თავდამსხმელს 100 მილიონი ევროს ფარგლებში მიღებული შეთავაზების სანაცვლოდ შეელევა.  

მოვლენების მსგავსად განვითარების შემთხვევაში, ფატი "ლურჯ-ბროწეულისფერთა" ისტორიაში მეორე ყველაზე ძვირად გაყიდული ფეხბურთელი გახდება. იგი მხოლოდ ნეიმარის 222-მილიონიან ტრანსფერს ჩამორჩება. 

მიუხედავად ამისა, დღევანდელი მოცემულობა შემდეგნაირია: "ბარსა" თავისი ათიანის გასხვისებაზე არ ფიქრობს და "კამპ ნოუდან" აბარგება არც ანსუმანეს ინტერესებში შედის.